AVI LANSMAN TRIBINAL POPILÈ A 28 Jiyè 2016

, par Camille Chalmers

AVI
LANSMAN TRIBINAL POPILÈ A 28 Jiyè 2016

Nap anonse nou Tribinal Popilè pou jije 100 lane okipasyon/dominasyon an Ayiti (1915 - 2015) ap lanse jou kap 28 Jiyè 2016.

Nap mande tout patriyòt pou yo pote kole nan aktivite enpòtan sa a :

a) Nan patisipe nan mach kap fèt pou denonse okipasyon, denonse MINUSTAH e salwe tout vanyan patriyòt ki tonbe pandan yo tap defann diyite peyi a. Mach la ap demare a 10 zè nan maten sou fò Nasyonal e lap abouti a 2 zè nan apremidi douvan Jimnazyòm Vensan

b) Nan vin patisipe nan woumble politik ak kiltirèl kap reyalize nan lokal Jimnazyòm Vensan sòti 2 zè pou rive 6 zè

c) Nan envite, fanmi nou, zanmi nou, vwazen nou, tout manm òganizasyon konsekan nou konnen pou yo vin patisipe an mas nan mach la ak nan woumble patriyotik la.

d) Nan difize tout kote nou kapab espòt, afich, flayè ki envite nan evenman an

e) Nan eksplike aktivite Tribinal Popilè a tout moun nou wè ki ka rejwenn batay la

f) Nan mete nou disponib pou bay koutmen nan reyalizasyon kokenn aktivite sa a

g) Nan kontinye ranmase siyati pou petisyon an

Gen lòt aktivite kap reyalize nan plizyè vil pwovens menm jounen 28 la nan menm lespri lansman Tribinal Popilè a.

100 lane okipasyon, piyaj ak destriksyon sa twòp atò, Fòk nou jije reskonsab yo ak tout akolit yo !!

Avèk mesaj sa a nap jwenn :

1.- Dokiman kadraj ki rezime objektif ak demach aktivite Tribinal Popilè a (franse ak kreyòl)
2.- Rezolisyon Mouvman sosyal ki deside mete Tribinal la kanpe (12 jiyè 2016). Pandan asanble sa a gen yon eleksyon ki chwazi 13 moun ki vin manm Komite Pilotaj ak koodinasyion tout aktivite Tribinal la kap demare 28 Jiyè 2016 pou bout 28 Jiyè 2017 :
3.- Espòt ki anonse 2 evenman 28 Jiyè 2016 yo
4.- Yon kopi petisyon kap siyen an ki deja ranmase siyati plis pase 350 òganizasyon nan tout Depatman peyi a

Nap jwenn lòt dokiman nan jou kap vini yo. Pa ezite rele nou nan telefòn pou mande plis esplikasyon (38371899 / 42535353)

Mèsi

Camille Chalmers